අසම්මත

 

 

අසම්මතය
නීතිගත කල යුතුය..

එකම එක වතාවක්...
යලිත්
දොඩමළු විය යුතුය...

ලෙන්ගතුව
හේතු පැහැදිය යුතුය
බැදි බැමි ලිහෙන්නට....

අසම්මතය හා,
සම්මත රාමුවේ
හිද,
දොඩන්නට....
අසම්මතය නීතිගත කල යුතුය...

එතකල්
නෑවිදින් ඉදින්
හිත් දොරට

ඉපැරණිව ගිය
නැවුම් ප්‍රේමය...

Tweet

ඇහැල ගහ

 

 

සරසවි බිම
ඇහැල ගහ
තවමත් කියනවා ඇති
හුවමාරුවුන
කවි ...

ඉදහිට
පාලුවක්,
දැනුනාම...

//////////////////
දෙ අත් පැටලුනු
නැති අතීතෙක
මතක අරගෙන

කවි වලින් ලියවුනු
ප්‍රේමයක මතක ගෙන,

ආයෙමත් ඇවිදින්...
ඔබ...
/////////////

දෙසතියක මතක ගෙන...
කාටවත් නොකියාම
හදිසියෙම ඇවිදින්...

මතක අමතකදැයි
අහන ...

අමතක කරන්නට
අමතකව ගිය බව
මට මතක් කර...

Tweet

හිමි සහ අහිමි

සද
අහසටම නොව
මඩ කඩිත්තකටද
සමහරක් විට...

සමන් පිච්ච මල්
වැලටමත්
නොව
උදුරාන දිව යන,
සුලන් පහරටද...

Tweet

දිවි සිය...

නසන්නට
වුවමනාය...

බයය...
හිත
සැලෙන
හඩ
සවනත
වැකෙත...

අතීතය
අනාගතයට
නොගෙන
සිද බිදලිය යුතුය...

මට
නසාලිය යුතුය
දිවි
සිය...

ඒත්
තව
හිත
බයය...

Tweet

ප්‍රේමයේ ආගිය කතා

 හුග කාලෙකින්
හමුව
අහඹුව...

අපට අප
හැදිනිය නොහැකි ලෙස
වෙස් මුහුනු පැලද
ඇවිද යමු...

බොරළු ඇනෙනා
මාවත...
හිස් පයින්...

බොරළු කැට
ඉසියුමැලි
පාද
හිල් නොකරන...

රිදෙනවා පමණක්ය
කොහොමටත්
දෑසට උනනා කදුළු
මට නොපෙනේය...

ඉස්සරම  වාගේ
හිත නොරිදේය...

කියා ගන්නට බියෙන් නොකියුව
කියන්නට හිතේ තිබු
බොහෝ දේ
දැන් කියන්නට
කාලයය...

ආදරය
වසා පැලදුව
වෙස් මුහුනු...
නොලිහා
තවමත්,
ආදරය කරන බව,

නොපෙන්වා...

                                                                     ආගිය කතාබහ
                                                                                      කතා කරනට
                                                                                                        කාලයය...

Tweet

තේරුම...

මට හරිම සතුටුයි...
තේරෙන්නෙ නැති එකට...

පුලුවනිය
තේරුම් කරදෙන්න
මට ඕන හැටියට
නැත්නම්
හිත හැදෙන හැටියට...

අපිත් කොහොමත්
තේරුම් ගන්නෙ
අපි කැමති හැටියට...

Tweet

සෙරෙප්පු නැතුව ඇවිදින්න...

අවුරුදුම තිහක්
හිස් පයින්
ඇවිදගෙනවිත්,

මිරිවැඩි
මිලට ගන්නට
කාසි රැස්කල
අයාලේ ගිය වසන්තය...

මිලට ගෙන
මිරිවැඩි සගල
පයලාමි...

දැන්
ඇවිද යා යුතුය
පෙන්විය යුතුය
ඉරිසියාකාර ගැහැනුන්ට
කෑදර පිරිමින්ට...

මම ඇවිදයමි...
මග බොහොම එලියය...

අරුමය
මිරිවැඩි දිහා නොබලන...

හිස් පයින් ඇවිද යන
බොහොම ලාබාල උන්
එකිනෙකා දෙස බලන
ඇස් ගසන...

 එන්න,

වසන්තය වැය නොකර ,

                                                           සෙරෙප්පු නැතුව ඇවිදින්න...

Tweet