මම ලියන දෑ කියවන්න කැමති අය...

Wednesday, May 16, 2012

සමන්පිච්ච මල් ගදක්...

සමන්පිච්ච මල් ගදක් දැනුනාම
නාසය හකුලවන
හිතකීරි ගස්සන
මුහුණ වෙන පැත්තකට හරවන....

ගල් හිතක්;
ලැබුනේ කොහොමදැයි හිතෙන...

හැරෙන්නට වෙන අතක්
බලන්නට වෙන දෙසක්
හතර පැත්තෙන්ම හිර ...

මල් ගද මූණටම එන...

දහඩියත්
ලාබ විලවුනුත්....

වෙන වෙනම ගත්තාම
පුසුඹය...

Tuesday, May 15, 2012

ඇවිත් යන්නට ඇවිත්

මල්ලී කෙනෙකුට අක්කා කෙනෙක් අහිමිවීම හදවත් කොයි තරම් පාරවන්නට සමත් වේදැයි මට හගිස්සන්නට මගේ හැගීම් සමත් නොවේ.ඒ මට මල්ලී කෙනෙක් නැති හෙයිනි.සොහොයුරු සොහොයුරියන් නැතිව මා තනිව උපද්දන්නට තරම් මගේ කර්මය මට රිද්දවා ඇත.ඒත්, එවන් මල්ලී කෙනෙක් මට හදිසියේ හමුවිණි.ඒ මල්ලීට මේ කවිය ලියා දීම මගේ හදවතත් කම්පා කලේය....



සේපාලිකා ගහ

තවමත්එතන  හිටගෙන...



සුවද මල්

අවුරුද්දකටකලින්

අන්තිම වතාවට

දැක්ක දාවාගේම...



ඒ  සුවදමයි තාමත්;

සේපාලිකා.....



බoකුව මත

සේපාලිකා මල

විතරක්ම,

පරවෙලා ....



මල්ලී…

ඉස්සර විදියටමහිනාවෙන...

දැන් ආයෙමත්,

හිනාව මතක් වීඇති හැඩ...



 මල්ලියෙ;

උදේ තේ හදාදෙන්නට

එනතුරු බලාඉන්නට

අක්කා කෙනක්නැති  කම

හිතකොනිත්තනවා නේද...



අම්මයිතාත්තයි

දකින්නත්සතුටුයි...

"දානෙ වැඩ හොදටකෙරුනා නේද?"

ඉස්සර වාගේම ,

හිනාවීඅහන....

අම්මගේසිරියාව...



පොඩි පුතා;

 "අම්මා" කියන්නෙමනැතිලු...

"මාමා"කියන්නෙත් අඩුවෙන්…



එහෙ ඉදන් එනගමන්...

එහෙත්බණ...මෙහෙත් බණ..

බස් නැතුවගමන් යන

මග හරිමලේසියි...



අම්මා තාමඅඩනවද

ඉදහිට වෙන්නඇති නේද...



හිතුවද

හoගන ඔය කදුලු

මට නොපෙනෙනාවිත්තිය....



සoසාරෙ තව දිගයි

ආයෙමත්හමුවෙන්න…



මල්ලියෙ;

 නුඹ නැතිව

මගෙ හිතටපාලුයි...



එනතුරුගනින්නට

දින හුගක්බෝමයි...

Monday, May 14, 2012

ජනේලෙන් පනින්නද???



උස් අඩි පාවහන්
සබ්දය නොඇසෙන්න
ජනේලෙන් ඇතුලට...

කඹය
ජනේලයෙ කොනක ගැටලා
නිදි නොකඩ
ජනේලෙන් ඇතුලට
පැනගතිමි...

දැන් දැන්
ගාථා ඇසෙනු ඇත
නිවන් අත ලග
අය
උදේම  කියන...
(හැබැයි කරන්නෙම පව් වැඩ...)

උණු උණුව
තේ ලැබෙන
බෝඩිම...

කියන්නට ඕනෑය
තරිදු ගැන
තිළිණිට;
එක කොල්ලෙකුට පෙම් කරණ...

"හැබෑටම ඔය කොල්ලා බෝරින් උනාම"
"හ්ම්ම්...මම එයාට කියල බබෙක් හදා ගන්නවා"
පව් තිළිණි
ඉදීවි
බබ්බු පෝළිමට....

මීයෙකුට බයවෙලා
කෑගහන...
මීයොත්
ආර්ථික විද්‍යාව  පාඩම් කරන්නම එන...
සරසවියෙ බෝඩිම...

මම තාම
( හරියන)
කොල්ලෙක් හොයන...

Saturday, May 12, 2012

රෝස තොල්...





තාරෝ;

දග නොකරන්න...
සියුමැලිව
වියලි බිම මත
වස්සානයේ පලමු වැහි බිදු
ඉසින්න...

එන්න…
රෝස තොල්  සිපගන්න...

තෙත් දෙතොල්
අතරින්
දැනෙන උණුසුම
විදගන්න...

තාරෝ ;
දෑස නාරින්න…

වැසුනු ඇස් පියන් තුල
සිතින් ඈ සිප ගන්න...

අතරතුර,
හැබැහින්
දැනෙන උනුසුම විදගන්න...

තාරෝ ;
එන්න…

රෝස පැහැ
තාර පැහැයෙන් වසා
වස්සානයේ
පළමු වැස්සෙන්
තෙමෙන්න...

රාගය තනුව කොට
ප්‍රේමයේ පදවැල
ගලපන්න...
 

අසම්මත

 
 

අසම්මතය
නීතිගත කල යුතුය..

එකම එක වතාවක්...
යලිත්
දොඩමළු විය යුතුය...

ලෙන්ගතුව
හේතු පැහැදිය යුතුය
බැදි බැමි ලිහෙන්නට....

අසම්මතය හා,
සම්මත රාමුවේ
හිද,
දොඩන්නට....
අසම්මතය නීතිගත කල යුතුය...

එතකල්
නෑවිදින් ඉදින්
හිත් දොරට

ඉපැරණිව ගිය
නැවුම් ප්‍රේමය...

ඇහැල ගහ

 
 

සරසවි බිම
ඇහැල ගහ
තවමත් කියනවා ඇති
හුවමාරුවුන
කවි ...

ඉදහිට
පාලුවක්,
දැනුනාම...

//////////////////
දෙ අත් පැටලුනු
නැති අතීතෙක
මතක අරගෙන

කවි වලින් ලියවුනු
ප්‍රේමයක මතක ගෙන,

ආයෙමත් ඇවිදින්...
ඔබ...
/////////////

දෙසතියක මතක ගෙන...
කාටවත් නොකියාම
හදිසියෙම ඇවිදින්...

මතක අමතකදැයි
අහන ...

අමතක කරන්නට
අමතකව ගිය බව
මට මතක් කර...

හිමි සහ අහිමි

සද
අහසටම නොව
මඩ කඩිත්තකටද
සමහරක් විට...

සමන් පිච්ච මල්
වැලටමත්
නොව
උදුරාන දිව යන,
සුලන් පහරටද...