මම ලියන දෑ කියවන්න කැමති අය...

Tuesday, April 5, 2011

නොපෙනෙනා පැතිකඩක්...පෙනුනාත් නොදැක්කාමෙන් සිටින....

සටහන:-මේ සටහන කියෙව්වම ඔයාලට හිතෙන්නෙ මොනවද කියල පුන්චි සටහනක් තියන්න පුලුවන් නම්....ඒක මට හුගක් වැදගත්....ස්තුතියි බොහොම...

සදපා හිටියෙ කොන්ඩෙ කපලා.සෑහෙන උස සිරුරකුත් පිරිමි ලමයෙකුට ගැලපෙනෙ සිරුරකුත් සදපාට තිබුනා. හරිම හැන්සම්...එහෙම හිතෙනවානම් ගැහැනු ළමයින්ට....


සදපා පිට්ටනියෙ හරිමැද හිටියා...එයා දැනගෙන හිටියා තමන් දිනලා බව.උස පැනීම,මීටර් 400....සදපා දිනලා තිබුනා.බලාගෙන හිටියෙ යකඩ කට ඒ බව කියන කල්.යසෝදා අක්කා ලග ඉන්න වෙලාවක කියුවොත් හොදයි.යසෝදා තමන් ගැන කියන දේවල් විශේෂයෙන් අහගෙන නොඉන්න බව දැනගෙන හිටියට මොකද සදපාට වුවමනා උනා තමන්ගෙ දක්ෂකම් ඇහෙන තැනක යසෝදා අක්කා ඉන්නවා දකින්න.

පිට්ටනිය මැද තිබුන අවුකාශ්ඨකේ සදපාට දැනුනෙ නැති වුනාට සියුමැලි ගැහැනු ළමයිනට දැනෙන බව සදපා හිතුවෙ නැහැ.තමනුත් ගැහැනු ළමයෙක් නේද කියලයි සදපාට ඒ වෙලාවට හිතුනෙ.යසෝදා අක්කා ඉස්කෝලෙම ක්රීතඩා නායිකාව නිසා ඒ වගේ වෙලාවක ඒවගේ දෙයක් අහන්න පිට්ටනිය මැද්දෙ අවු කාශ්ඨකේ කර වීමේ කිසිම වරදක් සදපාට පෙනුනෙ නැහැ...

උපතින්ම ගෙනාපු සියුමැලි නොවූ සිරුර මෙච්චර දුරක්..මීටර් හාරසීයක්ම දුවලා ඒ පයිනම උස පනින්නත් සහබාගි වුනේ එයාට පේන්නනේ....ඉතින් තරහ යන එක සාධාරණයිනේ සදපාට.ඔන්න යකඩ කට කෑ ගහලා කියුවා සදපා දිනපු බව.හීන් ආඩම්බරයක් මුසු සතුටක ඉරක් සදපාගේ මූනෙ සටහන් වුනා.ඒත් අනිත් ගැහැණු ලමයෙක් දිනුවා නම් ඇතිවෙන කටපුරා පිරි සිනහව සදපාගෙ මූනෙ තිබුනෙ නැහැ..

සදපාට තිබුන යසෝදා අක්කා එක්ක ටිකක් වෙලා කතා කර කර ඉන්න ආසාවක්.කවුරුවත් නැති තැනකට වෙලා.අතින් අල්ලගෙන...ඉස්කෝලෙ ඇරිලා සදපා අක්ක එනකල් ඉස්කෝලෙ ගේට්ටුවෙන් ටිකක් එහාට වෙලා බලන් ඉන්න එක සදපාට කිසිම කරදරයක් විදියට පෙනුනෙ නැහැ.ඒත් යසෝදා අක්කා තමන් දිහා ඔරවලාවත් බලන් නැතුව අහක බලාගෙන යනකොට නම් ටිකක් විතර දුකක් දැනුනා.ඒත් මූදෙ ඉන්නෙ එක මාලුවද කියලා නම් හිතුනෙ නැහැ.යසෝදා අක්කගෙ පස්සෙන් බයිසිකලය පැදගෙන බෝඩිම ලගටම ගියා.ඉස්කෝලෙ ඇරිලා ගැහැනු ළමයි ටිකක් එක්ක නැතුව යසෝදා අක්කට තනියම යන්න බැරි ඇයි කියල සදපා හිතුවා. එතකොට ටිකක් කතා කරන්න හරි පුලුවන්නෙ.ඒත් මේ ගෑනු ගති.එහෙම හිතනවත් එක්කම නුරුස්නා හැගීමක් දැනුනා. තමන් ඒගොඩට වැටෙනවාට අකමැති ගතියක්….

සදපා ලාන්කීය සමාජයේ තවත් එක් ගැහැනියක්...සමාවෙන්න යුවතියක්....

4 comments:

  1. Terune na .......... ( Tube Light )

    ReplyDelete
  2. මේක ඇත්ත කතාවක් නෙවේ නේද?

    ReplyDelete
  3. something like in the film "Boys Don’t Cry" ?

    ReplyDelete
  4. Dont put such a note at the beginning. It will tend to tune the readers mind that something unusual is coming up. in fact, most of the bolggers will leave a comment any how if they have to.
    for me, the picture was a sports meet at a school in a remote village. So it could be unusual to some extent. But I am living in just 10 minutes from Colombo city limits, and this internet age, it is pretty ordinary.
    On a different perspective, I can say සදපා is a gutless character, though she is a sports person. go, go and be friendly with යසෝදා අක්කා. she could easily start with sports, which will form a common ground.
    Typical sri lankan case, in that aspect. Sri lankans are excellent in operations, creativity and brain power. but they cannot present their case. Marketing is terrible. How many international brands do we have?

    ReplyDelete